| kai Man's profile@@ 我係謝西瓜 @@PhotosBlogLists |  Tools  Help |
大事精明 小事糊塗話說擒日食早餐o既時候...
食食下早餐冇啦啦有個人話
『而?呢盒飯好似唔係我o架喎, 我擒晚明明唔係食呢d餸o架,
我盒飯有雞翼o架, 唔通我亞媽今朝起身整過一盒俾我?』
之後就傳o黎全枱人o既爆笑
因為我呢位可愛o既上司打返屋企俾亞媽
結果佢亞媽話冇整過俾佢
哈哈...佢食錯o左人o地盒飯呀....
之後我o地响雪櫃入面搵到佢自己果盒
個packing真係好似
但係無奈佢已經食錯o左
之後佢好驚問我o地點
我o地就幫佢寫o左張道歉信
等佢洗o左個飯盒之後放入去
再加四十蚊賠返一個飯俾個物主
唔知個物主係邊個呢? 真係好想知呀...哈哈 March 06 究竟我o地做錯左咩o野...點解個天要咁對我o地....!!!!話說擒日真係十萬個唔願意返工
但係因為又係要做控制員o既關係
最終我都冇躲懶
拖著一個攰到唔屬於自己o既身軀...返o左工
但係原來我發現係錯o架
個天根本就唔鍾意我
當我諗住可以預備換衫放工之際
我o地先發現"爆o左獲"...仲要係"大大獲"
之後我o地三個就要諗點樣補獲...點樣解釋...
到我o地搞掂停落o黎o既時候
我o地三個都响度問
究竟我o地做錯o左啲咩...個天要咁樣對我...呀!!!
對唔住呀...各位同事...原來08年黑仔新人王...係我呀...哈哈
BBB + 亞梅 - 辛苦你兩個...好彩你兩個留低同我並肩作戰咋...唔係我唔係自己煩死...就會俾人鬧死
比比-我知你冇心o架...我冇怪你呀...我知你想俾多d回憶我...等我記住你...係咪?
March 05 邊個咁衰.....放大蛇呀!!!!!!03Mar2008
身為控制員...當然希望班機順順利利
0800 開始check in
1000 準時close
1005 "獲記"仲嗌問始排隊boarding
1010 我一心仲諗住無問題
仲同其他同事諗緊去邊度食早餐
誰不知...
1015 "獲記"冇啦啦有人嗌"有蛇呀" 獲記-walkie talkie 有蛇-technical problems
我仲以為聽錯之際
"獲記"再黎一次"係大蛇呀"
1030 唉...灰哂...唔好話食早餐丫...連工都冇得放呀
1100 之後既時間就係不停咁轉客走啦...搵酒店俾客啦
同埋不停咁打telex囉
本身放1500既我...結果就放1930
但係0330又要返工...因為我地呢班有蛇既機
將於04Mar2008 0700起飛
結果我地原班人馬0330又要返到機場...唉...真係灰到盡
**特別鳴謝**
BBB + 比比比 (我想同你地講...我會好好記住我地呢次衰機架...因為我地冇咩機會再PART架喇
|
|
|
